Rusiyanın əsas hədəfləri bu obyektlərdir

Bu gün Rusiya ordusunun əsas hədəf obyektləri Ukraynanın enerji sistemləridir.

Ölkə.Az xəbər verir ki, bu barədə Ukraynanın energetika naziri German Qaluşenko sosial media hesabında yazıb.

Hücumların davam etdiyini qeyd edən Qaluşenko əlavə edib ki, düşmən Ukrayna enerji sənayesinə son zamanların ən böyük hücumunu həyata keçirir.

"Reuters"in məlumatına görə, yüksək səviyyəli energetika rəsmisi deyib ki, bu, müharibə başlayandan bəri enerji infrastrukturuna edilən ən böyük hücumdur.

Qaluşenko bildirib ki, bombardman nəticəsində Zaporojye Atom Elektrik Stansiyasını qidalandıran elektrik xətti zədələnib.

Ukraynanın dövlət  “Ukrhidroenerqo” şirkəti sosial şəbəkəsindəki bəyanatında bildirilib ki, Zaporojya şəhərində yerləşən və ölkənin ən böyük su elektrik stansiyalarından biri olan Dnepr SES-ə də hücum edilib. 

Hücum nəticəsində stansiyada yanğın baş verib və hazırda çoxsaylı hava hücumlarının nəticələrini aradan qaldırmaq üçün hadisə yerində fövqəladə hallar və enerji işçiləri işləyir.

Mürtəza
Ölkə.Az