Moskvada dəhşət törədənlər görüntüləndi: onlar şübhəlidir - FOTO

Rusiyanın Moskva vilayətində yerləşən "Crocus City Hall"da terror aktının iştirakçıları olduğu iddia edilən şəxslərin fotoları yayılıb.

Ölkə.Az "Mash"a istinadən xəbər verir ki, onlar ağ "Renault Symbol" avtomobilində görüntüləniblər.

Moskva və Moskva vilayətində axtarışları davam etdirilir.

İndi Moskva Dairəvi yolundan bütün çıxışlar bağlanıb, yol polisi əməkdaşları nəzarət-buraxılış məntəqələrində bütün ağ və şübhəli avtomobilləri saxlayıb yoxlayırlar.

Moskva vilayətinin Krasnoqorsk şəhərində konsert zalında baş vermiş terror aktı nəticəsində yaralananların sayı 147-yə yüksəlib.

Bu barədə vilayətin Səhiyyə Nazirliyinin verilənlər bazasından məlum olub.

Bununla belə, ölənlərin sayı hələlik dəyişməyib – 40 nəfər.