Reysə gecikən qadın ayaqqabı bağları ilə özünü asdı
Onun meyiti Rusiyadan olan sərnişinlər tərəfindən aşkar edilib
Ölkə.Az "Hurriyet Daily News"a istinadən xəbər verir ki, Böyük Britaniya vətəndaşı reysə gecikdiyi üçün İstanbulda hava limanında özünü asaraq intihar edib.
Jaklin Enn Satton Londondan Türkiyəyə gəlib və buradan İraq Kürdüstanının paytaxtı Ərbilə yola düşməli idi. Lakin onun təyyarə reysinə gecikməsi planları alt-üst edib.
Hava limanının əməkdaşları bildirib ki, baş verənlərə görə onlar cavabdehlik daşımır və pullar geri qaytarılmayacaq. O isə yeni bilet üçün pulunun olmadığını bəyan edib. Bundan sonra qadın tualetə yollanaraq ayaqqabı bağları ilə özünü asıb.
Onun meyiti Rusiyadan olan sərnişinlər tərəfindən aşkar edilib.
Faktla bağlı araşdırmalar başlayıb.
Rəşid Mustafazadə
Ölkə.Az
