Arıqlama dərmanı qadınlarda kütləvi hamiləliyə səbəb olub

Hollivud məşhurları da daxil olmaqla, bir çox insanın arıqlamaq üçün istifadə etdiyi diabet dərmanı “Ozempic” və onun analoqlarının daha bir əks təsiri aşkar edilib. Bu həblərdən istifadə edən qadınlar hamilə qalma və ya doğuma nəzarət preparatlarının qəbulu ilə bağlı problemlərə baxmayaraq, daha çox hamilə qaldıqlarını və uşaq dünyaya gətirdiklərini söyləyirlər. 

Ölkə.Az xəbər verir ki, hətta bir sosial media istifadəçisinin yazdığına görə, fevral ayında "Ozempic" qəbul etməyə başlayıb və apreldə hamilə qalıb. O vaxta qədər mən doqquz kiloqram arıqlamışdım. Uşaq gözlədiyimi bilən kimi dərmandan istifadəni dayandırdım.

Digər bir istifadəçi isə yazıb ki, 14 il sonsuzluq yaşadım və iki ay "Ozempic" qəbul etdikdən sonra hamilə qaldım. Belə faktlar çoxdur və qadınların arıqlamaq üçün qəbul etdikləri "Ozempic"dən istifadə zamanı hamilə qalmanı ABŞ-nin Hyuston şəhərindəki Baylor Tibb Kollecində ginekoloq və mamalıq və ginekologiya kafedrasının dosenti Utsavi Şah da təsdiqləyib. O vurğulayıb ki, çoxsaylı tədqiqatlar piylənmə, metabolik pozğunluqlar, polikistik yumurtalıq sindromu (PCOS)arasında güclü əlaqə olduğunu müəyyən edib.

Onun sözlərinə görə, bu arıqlama dərmanları PCOS və ya sonsuzluğu olan qadınlar üçün oyun dəyişdiriciləridir. "Lakin onların qadınları daha məhsuldar edən hər hansı xüsusi aktiv maddəsi yoxdur. Onlar yalnız kilo itkisini təşviq edir, bu da menstrual dövrləri tənzimləməyə kömək edir və bununla da hamilə qalma şansını artırır", - o qeyd edib.

Mürtəza
Ölkə.Az