Tatarıstana PUA hücumu zamanı 9 ölkənin vətəndaşı yaralanıb

Ukrayna Silahlı Qüvvələrinə məxsus PUA-ların Tatarıstana hücumu nəticəsində 9 ölkənin vətəndaşı yaralanıb.

Ölkə.Az xəbər verir ki, bu barədə "Baza" öz teleqram kanalında məlumat yayıb.

Məlumata görə, kollec yataqxanasının binasında olan insanlar xəsarət alıb. Xəsarət alanlar arasında Zimbabve, Ruanda, Konqo, Keniya, Nigeriya, Cənubi Sudan və Şri Lanka, Qırğızıstan və Rusiya vətəndaşları da var. PUA hücumu nəticəsində ümumilikdə 13 nəfər xəsarət alıb.

Qeyd edək ki, martın 2-də Ukrayna PUA-ları Tatarıstanın Elabuqa xüsusi iqtisadi bölgəsində PUA yığımı müəssisəsinə, Nijnekamskda isə neft emalı zavoduna hücum edib.

Mürtəza
Ölkə.Az