Dünyanın ən yaşlı kişisi öldü
Dünyanın ən yaşlı kişisi, Venesuela sakini Xuan Visente Peres Mora 115 yaşında vəfat edib.
Ölkə.az xəbər verir ki, bu barədə dövlət başçısı Nikolas Maduro məlumat verib.
“Dünyanın ən yaşlı insanı kimi Ginnesin Rekordlar Kitabına düşən Xuan Visente Peres Mora 114 yaşında vəfat edib. Onun ailəsinə və El Kobre şəhərinin bütün sakinlərinə başsağlığı verirəm”, - Maduro X-də yazıb.
"El Nacional" qəzetinin məlumatına görə, Perez Mora 115 yaşına az qalmış, 114 yaş 339-cu günündə tənəffüs yollarında yaranan ağırlaşmalar səbəbindən vəfat edib.
Qəzet eyni zamanda qeyd edir ki, uzunömürlü həyatında yaxşı yeyib, ibadət edib, su içib və tez yatıb.
Perez Mora 27 may 1909-cu ildə Venesuelanın El Kobre şəhərində anadan olub. Ən uzunömürlü kişinin 11 uşağı var.
Mürtəza
Ölkə.Az
