Gələcəyimizlə rus ruletini oynaya bilmərik - Britaniyalı nazir

Dünyada müharibədən sonrakı dövr yerini müharibə öncəsi dövrlə əvəzləyib.

Ölkə.Az xəbər verir ki, bunu Böyük Britaniyanın müdafiə naziri Qrant Şapps “The Daily Telegraph” qəzetindəki məqaləsində qeyd edib.

Nazir qeyd edib ki, 2014-cü ildə NATO üzvləri müdafiə xərclərini ÜDM-in 2%-nə çatdırmaq barədə razılığa gəliblər. Lakin NATO ölkələrinin heç də hamısı bu öhdəliyi yerinə yetirməyib.

Alyansın baş katibi Yens Stoltenberq fevral ayında bildirmişdi ki, NATO-nun 32 ölkəsindən ancaq 18 üzvü hədəfə nail ola bilib.

“Müdafiə imkanlarımızı gücləndirmək üçün bunu etməliyik. Lakin bəzi ölkələr hələ də 2%-ə çata bilmir. Belə davam edə bilməz. Gələcəyimizlə rus ruletini oynaya bilmərik. Biz müharibədən sonrakı dünyadan müharibədən əvvəlki dünyaya keçdik”, - britaniyalı nazir hesab edir.

Mürtəza
Ölkə.Az