Vanqa \"Crocus\"dakı terror haqqında nə demişdi? - Britaniya nəşri yazır...

Dünyaca məşhur görücü Vanqa Rusiyanın paytaxtı Moskvada "Crocus City Hall"da baş verən terror aktını da əvvəlcədən bilib.

Ölkə.Az xəbər verir ki, bu barədə Böyük Britaniyanın "Metro" qəzeti yazıb.

"Vanqanın 2024-cü il üçün qorxulu proqnozları gerçəkləşir” başlığı ilə yayımlanan məqalədə ölümündən 28 il keçməsinə baxmayaraq kahinin proqnozları özünü doğrultduğu vurğulanır:

"Bu il onun digər proqnozları özünü doğruldur: Avropaya terror hücumları, kiberhücumların artması, tibbi və texnoloji nailiyyətlər. 
Vanqa Avropanın 2024-cü ildə terror hücumlarını artıracağı barədə xəbərdarlıq etmişdi. Və Moskvadakı "Crocus City Hall"a edilən son hücum onun haqlı olduğuna işarə edir".

Qəzet Vanqanın kiberhücumların artması barədə proqnozunu da xatırladıb:

"2023-cü ildə bir çox hökumətlər hərtərəfli kiber hücumlara məruz qalıb və texnologiya problemləri 2024-cü ildə artıq dünyanı silkələyib".

Qeyd edək ki, kor kahin olan Vanqa ölümündən əvvəl Kurskda bir çox insanın daşqınlardan təsirlənəcəyi barədə xəbərdarlıq edib. Onun proqnozundan sonra 2000-ci ildə Rusiyanın "Kursk" sualtı qayığı batmışdı.

Vanqanın həmçinin 2008-ci ildə Barak Obamanın ABŞ prezidenti seçiləcəyini də əvvəlcədən bildiyi deyilir.

Xatırladaq ki, martın 22-də Moskva vilayətinin Krasnoqorsk şəhərində “Crocus City Hall” konsert zalında yerli “Piknik” rok qrupunun səhnəyə çıxışı ərəfəsində terror aktı törədilib. Terror aktı nəticəsində azı 144 nəfər həlak olub, 551 nəfər isə yaralanıb. Eyni zamanda, 95 nəfər itkin düşmüş və ya "hesaba qatılmamış" sayılır.

Billurə Yunus