\"Associated Press\": \"Məkkədəki izdihamda ən azı 2121 nəfər ölüb\"

"Sentyabrın 25-də Məkkədəki Mina dağında yaranmış izdiham nəticəsində ən azı 2121 nəfər ölüb".

Ölkə.Az xəbər verir ki, bu iddia ilə "Associated Press" agentliyi çıxış edib.

Bir müddət öncə agentlik 1313 nəfər öldüyü barədə xəbər yayıb. Səudiyyə hökumətinin rəsmi hesablamalarına görə, dünyasını dəyişən zəvvarların sayı 769, yaralananların isə 934 nəfər təşkil edib.

Bununla yanaşı, daha çox vətəndaşını itirən İranın bəyanatına əsasən, Məkkədə izdiham zamanı 4700 zəvvar ölüb. Lakin bu iddianı sübut edən heç bir dəlil təqdim edilməyib.

Xatırladaq ki, sentyabrın 25-də Məkkədəki Mina dağında yaranmış izdiham nəticəsində yüzlərlə şəxs ayaq altında qalmışdı. Ölənlərdən əksəriyyəti Afrika ölkələri vətəndaşları idi.

Rəşid Mustafazadə

Ölkə.Az