Stalinin \"daça\"sının indiki halı hamını dəhşətə gətirdi

Stalinin \"daça\"sının indiki halı hamını dəhşətə gətirdi - FOTOLAR

Yararsız vəziyyətə düşmüş bunkeri ilə birlikdə Stalinin daçasını Krasnodarın keçmiş qubernatoru Tkaçovla əlaqəli bir fond alıb.

Ölkə.Az xəbər verir ki, İosif Stalinin Moskva yaxınlığındakı "Lipki-Alekseevskoe" malikanəsi "Strateji İnkişaf" qapalı qarşılıqlı investisiya fondu tərəfindən alınıb.

Fondun səhmdarları açıqlanmır.

"Baza" teleqram kanalının yaydığı məlumata görə, malikanə 403,49 milyon rubla hərraca çıxarılıb. Hərraca 38,4 hektardan torpaq sahəsi və onun içərisindəki yardımçı tikililər daxildir.

Stalinin malikanəsi Moskva yaxınlığındakı Mıtışidə yerləşir. Bina 19-cu əsrdə bir tacir, daha sonra Moskvanın rəhbəri Aleksandr Alekseev tərəfindən tikilib. 1907-ci ildə evin yeni sahibi neoklassik üslubda və bu günə kimi qalan yeni bir ev tikib.

1917-ci il inqilabından sonra mülk bir neçə il talan edilmiş və bərbad vəziyyətdə qalıb. Binadan Qırmızı və Ağ ordular tərəfindən istifadə edilib.

1933-1934-cü illərdə Stalinin şəhər kənarındakı "daça"larından birinə çevrildi. O, həyat yoldaşı Nadejda Alliluyevanın ölümündən sonra orada yaşadı. Daha sonra Stalin başqa bir "daça"ya köçüb. O, çox nadir hallarda Lipkiyə gəldi. Sonradan malikanə bir neçə dəfə yenidən bərpa edilib, bunker tikilib və hökumət üzvləri üçün yay iqamətgahı kimi xidmət göstərib.

1989-cu ildə orada ağır xəstəlikləri olan uşaqlar üçün reabilitasiya mərkəzi kimi fəaliyyət göstərib. 2004-cü ildə obyekt yenidənqurma üçün bağlanıb.

Bina hazırda yarasız və bərbad vəziyyətdədir.