Moskvada məmurları güllələyən şəxs qəzetin mühafizəçisini də öldürüb

Qeorqadzenin axtarışı ilə bağlı iş aparılır

Ölkə.Az xəbər verir ki, məşhur “Moskovski Komsomolets” qəzetinin mühafizəçisi Konstantin Smıslov qətlə yetirilib.

Bu cinayəti Krasnoqorsk şəhərində iki məmuru güllələyən gürcü əsilli Amiran Qeorqadze həyata keçirib.

Timoşenko qəsəbəsinə tərəf gedən Smıslov yolun kənarında ürəyini tutub dayanan Qeorqadze ilə qarşılaşıb. Smıslov onun vəziyyətinin pis olduğunu hiss edərək yaxınlıqdan keçənlərdən təcili yardım çağırmalarını istəyib.

Həmin şəxslər Qeorqadzeyə yaxınlaşanda o, tapançanı çıxarıb Smıslova tərfə tuşlayaraq atəş açıb.

Hazırda Qeorqadzenin axtarışı ilə bağlı iş aparılır.

Ölkə.Az