İranın hücumu "Kurtlar vadisi"ndə: səhnə gündəm oldu

İran İsraili PUA və qanadlı raketlərlə hücum etməsi btün dünyada gündəmi dəyişib.

Ölkə.Az Türkiyə mətbuatına istinadla xəbər verir ki, 2 gün əvvəl etdiyi hücumla İsrail ordusu hava qüvvələrini həyəcan vəziyyətinə salıb.

ABŞ İsrailin arxasında olduğunu bəyan edib. İran İnqilab Keşikçiləri Korpusu isə İsrailə dəstək verməmək və ya İranın maraqlarına zərər verəcək hər hansı bir addım atmaması barədə ABŞ-yə xəbərdarlıq edib.

İranın başlatdığı PUA hücumu ilə Yaxın Şərqdə gərginliyin yenidən artması "Kurtlar vadisi"ndə İran və İsraillə bağlı bir səhnəni gündəmə gətirib.

Sözügedən səhnədə Polat Alemdar obrazı və onun tərəf müqabilinin iki ölkə barədə apardığı müşahidələr diqqət çəkir. Səhnədə İran və İsraillə bağlı dialoq belədir:

"Əslində, regionda İsraillə İran arasında adı açıqlanmayan əməkdaşlıq mövcuddur. Onların hər ikisi bir-birinə müxalif olmaları ilə varlıqlarını qoruyurlar. İsrail olmasaydı, İran regionda hökmranlıq edə bilməzdi. İran olmasaydı, İsrail amerikalılardan istədiyi kimi istifadə edə bilməzdi.

Gərginliyin azaldığını hiss etdikləri an süni böhran yaradırlar. Bütün dünya həyəcan vəziyyətinə keçir. İran xoruzlanır, qarşılığında bölgəyə mesajını verir. İsrail də deyir ki, İran terrorçuların ən böyük dəstəkçisidir, onu yox etməliyik. Arda da neft və silah lobbiləri böyük pullar qazanır".

Xatırladaq ki, aprelin 13-də İran İslam İnqilabı Keşikçiləri Korpusu (SEPAH) qanadlı və ballistik raketlərlə "Doğru vəd əməliyyatı" kod adı altında İsrailə hücum edib. Hücumların aprelin 1-də İsrailin İranın Dəməşqdəki səfirliyini bombalamasına cavab olaraq həyata keçirildiyi bildirilir. Bu, iki ölkə arasında ilk birbaşa hərbi qarşıdurmadır.

Daha sonra İranın xarici işlər naziri Hüseyn Əmir Abdullahian Tehran İsrailə qarşı yeni əməliyyatlar planlaşdırmır.

Beynəlxalq ekspertlər arasında İranla İsrail arasındakı gərginliyi "danışılmış savaş" adlandıranlar da var.

Billurə