Netanyahu İsrailin İrana necə cavab vercəyini açıqladı

İsrail İranın zərbəsinə intiusiya ilə deyil, ağılla cavab verəcək.

Ölkə.Az xəbər verir ki, bunu israilin baş naziri Benyamin Netanyahu "Kan" radiosuna müsahibəsində deyib. 

“Biz İrana cavab verəcəyik, lakin bunu intuitiv yox, ağıllı şəkildə etməliyik. Bizi stresə saldıqları kimi, onların da stresə ehtiyacı var”, - Netanyahu qeyd edib.

Kan radiosu onu da bildirib ki, İsrail cavab addımı atacağı təqdirdə ABŞ-ni məlumatlandırmağı öhdəsinə götürüb.

ABŞ və digər ölkələrin gərginliyin qarşısını almaq cəhdlərinə baxmayaraq, İsrail cavab verməyə hazırlaşır. "Bu, sadəcə, zaman və yer məsələsidir", - Kan radisouna danışan mənbə bildirib.

Amerikanın "NBC News"dan israilli mənbə İsrailin cavabını “qaçılmaz” adlandırıb, lakin Tel-Əvivin öz hərəkətlərini Vaşinqtonla əlaqələndirmək niyyətində olduğunu vurğulayıb. 
Nəşrin ABŞ hökumətindəki mənbələri bildiriblər ki, İsrailin cavabının əhatə dairəsi məhdud olacaq və İran hərbi qüvvələrinə və kənarda İran tərəfindən dəstəklənən qurumlara qarşı yönələcək.

Mürtəza
Ölkə.Az