Roma Papası xərçəngdən əziyyət çəkir

Roma Papasının beynində şiş aşkar edilib

Ölkə.Az İtaliyanın "Quotidiano" nəşrinə istinadən xəbər verir ki, həkimlər Roma Papasının beynində kiçik şiş aşkar ediblər.

Bildirilir ki, bir neçə ay öncə Roma Papası Takanori Fukusima ilə məsləhət aparmaq üçün Toskanadakı klinikaya gəlib. Fukusima beyin şişlərinin müalicəsi ilə məşğul olan yaponiyalı professordur.

Xəstəxananın tibb bacısı etiraf edib ki, siyahıda xəstənin adını oxuduqda gözlərinə inana bilməyib.

Rəsmi Vatikan isə xəstəlik haqqında məlumatları təkzib edib. Vatikan rəsmisi Federiko Lombardi bu informasiyanı əsassız adlandırıb və bəyan edib ki, Roma Papası özünü çox gözəl hiss edir və işini davam etdirir.

Buna baxmayaraq, məqalə müəllifi əminliklə informasiyanın doğru olduğunu iddia edir.

Rəşid Mustafazadə

Ölkə.Az