Çin ABŞ-nin dediyini etməsə, hərəkətə keçəcək - Rusiya tələbi

Çin Rusiyaya ikili təyinatlı malların tədarükünü dayandırmayacağı təqdirdə ABŞ Pekinə qarşı  sanksiyalar tətbiq etməyə hazırdır.

Ölkə.Az xəbər verir ki, ABŞ Dövlət katibi Entoni Blinken Pekində Çin sədri Si Cinpin və xarici işlər naziri Vanq İ ilə danışıqlarda Ağ Evin rəsmi mövqeyini onların diqqətinə çatdırıb.

“Bugünkü müzakirələr zamanı mən Çinin Rusiyanın Ukraynaya təcavüzünü gücləndirən komponentlərlə bağlı ciddi narahatlığımızı təkrarladım. Çin tərəfindən heç bir tədbir görülməsə, biz hərəkətə keçməyə tam hazırıq”, - Blinken  bəyan edib.

O xatırladıb ki, ABŞ bundan əvvəl də Çin şirkətlərinə qarşı sanksiyalar tətbiq edib. 

ABŞ dövlət katibinin sözlərinə görə, Çin Rusiyanın müdafiə sənayesi kompleksinin yaradılması üçün istifadə etdiyi dəzgahlar və mikroelektronika, eləcə də digər ikili təyinatlı malların ən böyük tədarükçüsüdür. O hesab edir ki, Çin Rusiyaya yardımı davam etdirdiyi halda Qərb ölkələri ilə yaxşı münasibətlərə can ata bilməz.

Mürtəza
Ölkə.Az