Macarıstan bu səbəbdən Azərbaycana görə Ermənistana veto qoyur

Macarıstan Avropa İttifaqı Sülh Fondundan Ermənistana dəstək layihəsinə mane olur.

Ölkə.Az xəbər verir ki,  Macarıstan Azərbaycanın da proqrama daxil edilməsini tələb edir və bunu çıxılmaz vəziyyətdən çıxış yolu kimi qiymətləndirilir.

"Azadlıq" radiosunun erməni xidmətinin məlumatına görə,  Brüsseldə Avropa İttifaqının sülh fondundan Ermənistana 10 milyon avro məbləğində yardım göstərmək üçün ilkin razılıq əldə olunub. 

Ayrılacaq vəsait bir tabor üçün modul tipli səhra düşərgəsinin yaradılmasına yönəldilməlidir. Bura düşərgəyə tibbi yardım üçün bir ambulator, habelə müvafiq xidmətlər və obyektlər daxildir.

Macarıstanın bir neçə həftədir qəbul edilməsinə mane olduğu sənəddə deyilir: “Bu dəstəyin məqsədi Ermənistan silahlı qüvvələrinin dayanıqlığını və sabitliyi bərqərar etmək qabiliyyətini artırmaq və bununla da böhranlar və fövqəladə hallar zamanı mülki insanları daha yaxşı qorumaqdır”.

Mürtəza
Ölkə.Az