Türkiyədən bəyanat: Bu hesabın Ərdoğanın qızı ilə əlaqəsi yoxdur - FOTO
Türkiyə Prezident Administrasiyası yanında Dezinformasiya ilə Mübarizə Mərkəzi prezident Rəcəb Tayyib Ərdoğanın qızı ilə bağlı yayılan məlumatın yalan olduğunu bəyan edib.
Ölkə.Az xəbər verir ki, qurum Qüdsdə polisə hücum edən türkə dəstək verməsi ilə bağlı informasiyaları təkzib edib.
“Adı çəkilən skrinşotlardakı sosial media hesabı prezident Ərdoğanın qızı Esra Albayraka aid deyil”, - bəyanatda qeyd olunub.
Xatırladaq ki, bundan əvvəl internetdə Esranın Qüdsdə polisə hücum edən Türkiyə vətəndaşını sosial şəbəkələrdə təriflədiyi və onu “Türk aslanı” adlandırdığı barədə məlumatlar yayılmışdı.
