"Əlimlə yoxladım, daşdandır" - FOTO

Kremlin təbliğatının əsas ruporlarından biri olan Marqarita Simonyan Çeçenistan rəhbəri Ramzan Kadırovla birgə fotosunu dərc edib.

Ölkə.Az xəbər verir ki, media nümayəndəsi bununla Kadırovun səhhətinin yaxşı olduğunu sübut etməyə çalışıb.

“Əlimlə yoxladım - biseps (qol əzələsi) daşdandır. Sağlamlığı, rəngi-ruhu, əladır”, - o yazıb. 

Xatırladaq ki, Ramzan Kadırovun ölümcül xəstə olduğu, onun yerinə yeni namizədin axtarıldığı, o cümlədən çeçen rəhbəri əvəzləyəcəyi ehtimal edilən şəxslərin adları belə mətbuatda yayılıb.