Ermənistanı quberniyaya çevirmək cəhdləri edilir - Ovanisyan

Ermənistanın daxili siyasi həyatına müdaxilə etmək və müəyyən qruplara yardım göstərməklə dövlət çevrilişinə cəhd edib ölkəni quberniyaya çevirmək cəhdləri edilir. 

Ölkə.Az xəbər verir ki, bunu Ermənistan parlamentinin hakim “Vətəndaş  Müqaviləsi” fraksiyasının katibi Artur Ovanisyan  deyib.

Onun sözlərinə görə, əgər Ermənistandakı müəyyən dairələrin Rusiya dairələrindən yönləndirilib söndürülməməsi ilə bağlı suala cavab vermək lazımdırsa, o zaman Rusiyanın dövlət mediasında verilən açıqlamalara, Rusiya siyasətçilərinə qulaq asa, illərlə Ermənistanı qarət edib Rusiyaya qaçan insanları dinləmək yetər.

O əmindir ki, Ermənistanın dövlət sərhədinin olmaması üçün hər şeyi edən qüvvələr var. "Onlar vəziyyətin gərginləşməsinə səbəb ola biləcək proseslər yaradırlar. Ermənistanın suverenliyinə xələl gətirmək, müharibəyə cəlb etmək və dövlət çevrilişi edib hakimiyyətə gəlmək üçün hər şeyi edirlər. Bu onların məqsədidir. Onların məqsədi öz qubernatoru olan ucqar əyalətə sahib olmaqdır. Bu onların arzusudur”, - deputat qeyd edib.

Ovanisyan onu da əlavə edib ki, əgər Ermənistanda iğtişaşlar törətməyə çalışan insanlar qanun çərçivəsindən keçməyə çalışsalar, o zaman qanun işləyəcək.

Mürtəza
Ölkə.Az