Avropadan Rusiyaya qarşı “son addım” – 250 milyon qoyuldu

Böyük Britaniya gələcək nəsil atom elektrik stansiyalarını yanacaqla təmin etmək üçün Avropanın ilk yüksək karatlı aşağı zənginləşdirilmiş uran (HALEU) istehsalı müəssisəsinə 196 milyon funt sterlinq (244,657,000 dollar) investisiya qoyacaq.

Ölkə.Az xəbər verir ki, Enerji Təhlükəsizliyi və Sıfır Emissiya Nazirliyindən verilən açıqlamaya görə, Böyük Britaniya hazırda Rusiyanın hökmran olduğu HALEU bazarında daxildə və xaricdə nüvə stansiyalarına yanacaq tədarük etməyi hədəfləyir.

Məsələ ilə bağlı açıqlama verən İngiltərə Baş naziri Rişi Sunakın sözlərinə görə, uranın zənginləşdirilməsi obyektinin yaradılması, Rusiyanı Avropa enerji bazarından çıxarmaq məqsədi daşıyır: “Rusiya çox uzun müddətdir ki, bu güclü nüvə yanacağının yeganə təchizatçısıdır. Bu addım Rusiyanı enerji bazarından tamamilə çıxarmaq istiqamətində atılacaq son addımdır".

Qeyd edək ki, Böyük Britaniya 2050-ci ilə qədər nüvə enerjisi potensialını dörd dəfə artırmaq planını açıqlayıb. 

Mürtəza
Ölkə.Az