İsrail bunu etsə, silah verməyəcəyik - Baydendən “dönüş nöqtəsi”

“Mən İsrailə açıq şəkildə bildirdim ki, əgər onlar Rəfaha girsələr – hələ girməyiblər - o zaman mən onlara silah verməyəcəyəm”.

Ölkə.Az xəbər verir ki, bunu  ABŞ prezidenti Co Bayden CNN telekanalına müsahibəsində deyib.

Eyni zamanda, o qeyd edib ki, yəhudi dövlətinin Rəfah şəhərindəki hərəkətləri dinc sakinlərin məskunlaşdığı ərazilərdə olmadığı üçün “qırmızı xətti keçməyib”.

CNN vurğulayır ki, ABŞ prezidentinin bu cür bəyanatları münaqişədə “dönüş nöqtəsi”dir.

Xatırladaq ki, İsrail ordusunun mətbuat xidməti Misirlə sərhəddə yerləşən Rəfah nəzarət-buraxılış məntəqəsinin nəzarətə götürüldüyünü təsdiqləyib və şəhərin şərq hissəsində antiterror əməliyyatının başladığını açıqlayıb.

Qeyd olunur ki, HƏMAS-ın hədəflərinə zərbələr endirilib, nəticədə 20 silahlı məhv edilib. Həmçinin 3 tunel şaxtası aşkar olunub.