Trampın "Boeing"i başqa bir təyyarə ilə toqquşub

ABŞ-nin keçmiş prezidenti Donald Trampın "Boeing 757" təyyarəsi Florida ştatındakı hava limanında başqa bir təyyarə ilə toqquşub.

Ölkə.Az "Reuters"ə istinadən xəbər verir ki, onun nəqliyyat vasitəsi "West Palm Beach" Beynəlxalq Hava Limanında qanadı ilə biznes təyyarəsinə çırpılıb.

ABŞ Federal Aviasiya Administrasiyasının hesabatında qeyd olunur ki, özəl "Boeing 757" təyyarəsi park edilmiş korporativ təyyarəni vurub. Baxmayaraq ki, sənəddə təyyarənin Trampa məxsus olması göstərilmir. 

Təyyarə ilə bağlı insident bazar günü "West Palm Beach"ə eniş etdikdən sonra baş verib.

Mürtəza
Ölkə.Az