Gürcüstan prezidenti ölkədəki vəziyyətlə bağlı bəyanatla çıxış etdi
Gürcüstanda payızda keçiriləcək seçkilərdə avropayönlü cəbhənin lideri olacağam.
Ölkə.Az xəbər verir ki, belə bir bəyanatla Gürcüstan prezidenti Salome Zurabişvili CNN telekanalına açıqlaması zamanı çıxış edib.
"Gürcüstan əhalisi artıq bir çox sınaqlardan keçib və böyük müqavimət göstərib. Bu, çox dinc nümayişdir. Bizdə seçkilər var və qarşıdan gələn seçkilərdə bir növ referendum olacaq. Mən Avropayönlü cəbhənin lideri olacağam. Mən bunu birbaşa seçkilərdə iştirak etməklə yox, siyasi partiyaların, vətəndaş cəmiyyətinin qərbyönlü, avropayönlü cəbhəsinin qarantı kimi edəcəyəm", - Zurabişvili qeyd edib.
"Xarici agentlər haqqında" qanun layihəsini tənqid edən Zurabişvili bunu “Rusiyanın xarici agentlər haqqında qanunu" adlandırıb.
“Bu, Gürcüstan üçün kritik andır. Bilirsiniz ki, ötən ilin dekabrında Gürcüstan Aİ-yə üzv olmaq üçün namizəd statusu alıb və ilin sonuna kimi üzvlük danışıqlarına başlamağa yaxın idi. Biz indi bu yolun ortasındayıq, çünki “Rusiya qanunu"nu yenidən qəbul etmək üçün yeni təzyiqlər var. Bu, “Rusiya qanunu”ndan başqa bir şey deyil. Bundan əlavə, bizə Avropa Komissiyasının tövsiyələrindən və bütövlükdə Avropa yolundan uzaqlaşdırdığı üçün çox narahat edən başqa qanunlar da təqdim olunub”, - Zurabişvili bildirib.
Mürtəza
Ölkə.Az
