İsraildən Türkiyəyə cavab: Ərdoğanın səlahiyyət müddəti bitənə qədər...

Türkiyənin İsraillə ticarət əlaqələrinin dayandırmasına cavab olaraq İsrail iki ölkə arasında imzalanan Azad Ticarət Müqaviləsini ləğv edəcək.

Ölkə.Az xəbər verir ki, bu barədə İsrailin maliyyə naziri Bezalel Smotriç məlumat verib.

Smotriç həmçinin bəyan edib ki, İsrail hökuməti prezident Rəcəb Tayyib Ərdoğanın səlahiyyət müddəti bitənə qədər Türkiyədən idxala 100 faiz gömrük rüsumu tətbiq edəcək.

İsrailli nazir bildirib ki, bu qərarlar təsdiq üçün parlamentə təqdim olunacaq.

Smotriç Türkiyə ilə ticarətin kəsilməsi səbəbilə yeni variantlar axtarışında olduqlarını qeyd edərək alternativ yaratmaqla İsrail iqtisadiyyatının Türkiyədən asılılığını azaltmaq istədiyini vurğulayıb. 

Mürtəza
Ölkə.Az