İrəvanda bağlı qapılar arxasında görüş - Nə bəllidir? - DETALLAR
İrəvanda keşiş Baqrat Srbazan Qalstanyanın qapalı formatda siyasi qüvvələrin nümayəndələri ilə görüşü keçirilir.
Ölkə.Az xəbər verir ki, görüşdən öncə jurnalistlərə açıqlama verən Baqrat Srbazanın sözlərinə görə, görüşdə ölkdə baş verən proseslər və mövcud hakimiyyətin istefasına nail olmaq məsələləri müzakirə olunacaq.
Hakimiyyətin istefa məsləsinə toxunan Srbazan bildirib ki, hakimiyyətin istefası prosesi qanun çərçivəsində baş verməlidir.
Srbazan görüşdə Ermənistanın baş naziri postuna mümkün namizədin adının müzakirə olunacağını istisna etməyib.
“Ola bilsin ki, bu məsələ müzakirə olunacaq. Hər şey mümkündür", - o qeyd edib.
"Demokratik Alternativ” partiyasının sədri Suren Surenyantsın sözlərinə görə, bağlı qapılar arxasında keçirilən görüşdə siyasi qüvvələrə iki məsələdə konsensusa gələ biliblər: "Birincisi, bütün mümkün siyasi variantlardan yararlanmaqla Paşinyanın hakimiyyətdən kənarlaşdırılması, ikincisi isə ortaq namizədin Baqrat Srbazan olmasıdır. Hələ qərar verilməyib, lakin bu iki məsələdə konsensus var”, - Suren Surenyants bildirib.
Surenyants onu da bildirib ki, Srbazanın baş nazir postuna namizədlik məsələsində müəyyən konstitusiya maneələri var, amma bunu parlament vasitəsilə, ictimai təzyiqlə həll etmək olar.
Mürtəza
Ölkə.Az