Bişkekdəki dava iki ölkə arasında gərginliyə səbəb oldu - Baş nazirdən bəyanat

Mayın 18-də gecə saatlarında Qırğızıstan paytaxtı Bişkekdə minə yaxın paytaxt sakini yüzlərlə xarici tələbələrin, o cümlədən pakistanlıların yerləşdiyi binalara hücum ediblər. 

Ölkə.Az xəbər verir ki, yerli mətbuatın məlumatına görə, hadisə nəticəsində paytaxt sakinləri ilə əcnəbi tələbələr arasında davaş düşüb. 29 nəfərə yaralanıb ki, onların da arasında pakistanlı tələbələr olub. Davaya səbəb əcnəbilərin şəhərdə yerli sakinləri döyməsi olub. Hadisə yerinə çoxsaylı polis qüvvə cəlb edilib. 

İğtişaşla bağlı Pakistan Xarici İşlər Nazirliyi şənbə günü Bişkekdə pakistanlı tələbələrə qarşı zorakılığa cavab olaraq Qırğızıstanın bu ölkədəki baş diplomatına zəng edərək etiraz notası təqdim edib.

"Qırğızıstanın müvəqqəti işlər vəkili Qırğızıstan hökumətinin pakistanlı tələbələrin və vətəndaşların təhlükəsizliyini təmin etmək üçün bütün mümkün tədbirləri görməli olduğu fikrini ifadə edib", - Pakistan Xarici İşlər Nazirliyinin bəyanatında deyilir.

Pakistanın baş naziri Şahbaz Şərif açıqlamasında insidentlə bağlı narahatlığını ifadə edib və İslamabadın ölkəni tərk etmək istəyən hər bir Pakistan vətəndaşını dərhal geri göndərəcəyini bildirib.

Mürtəza
Ölkə.Az