Rəisinin ölümündən sonra Ərdoğandan İran mesajı

Türkiyə Prezidenti Rəcəb Tayyib Ərdoğan İran Prezidenti İbrahim Rəisi və xarici işlər naziri Hüseyn Əmir Abdullahiyanın helikopter qəzasında ölməsi barədə danışıb.

Ölkə.Az "milliyet"ə istinadla xəbər verir ki, Ərdoğanın sosial şəbəkə hesabında paylaşılan açıqlamada deyilir:

"Təəssüf ki, düşdüyü helikopter qəzasında həlak olduğunu öyrəndiyimiz dəyərli həmkarım, qardaşım, İran İslam Respublikasının Prezidenti cənab İbrahim Rəisiyə uca Allahdan rəhmət diləyirəm.

Mərhum Rəisi ilə eyni helikopterdə həyatını itirən İranın xarici işlər nazirinə və digərlərinə Allahdan rəhmət diləyirəm. Başda İran İslam Respublikasının Dini Rəhbəri cənab Əli Xamenei olmaqla, dost və qardaş İran xalqına, onun hökumətinə, cənab Prezidentin və vəfat edən digər insanların ailələrinə dərin hüznlə başsağlığı verirəm.

Vəzifədə olduğu müddətdə İran xalqının və regionumuzun sülhü naminə göstərdiyi səylərin şəxsən şahidi olmuş bir həmkar kimi cənab Rəisini hörmət və minnətdarlıqla yad edirəm.

Türkiyə olaraq bu çətin və kədərli günlərdə dəfələrlə etdiyimiz kimi qonşumuz İranın yanında olacağıq".

Billurə Yunus