Yunanıstanda dövlət qulluqçuları tətilə başlayıblar
Yunanıstanda dövlət qulluqçuları Dövlət Qulluqçuları Həmkarlar İttifaqı Konfederasiyasının (ADEDY) çağırışı ilə tətilə başlayıblar.
“Ölkə.az” xarici KİV-ə istinadən xəbər verir ki, ölkədə yaşayış bahalığına diqqət çəkən ADEDY dövlət qulluqçularının iqtisadi şəraitinin yaxşılaşdırılması tələbi ilə 24 saatlıq tətil elan edib.
ADEDY-nin çağırışı ilə Yunanıstanın paytaxtı Afinada Maliyyə Nazirliyinin qarşısına toplaşan dövlət qulluqçuları etiraz aksiyası keçiriblər.
Nümayişçilər onların maaşlarının artırılmasını, vergidən azad edilən gəlirlərin həcminin artırılmasını və dövlət qulluqçularının sayının artırılmasını tələb ediblər.
