Bu ölkə Fələstin dövlətini rəsmi olaraq tanımağa hazırlaşır

Norveç Fələstin dövlətini tanıyacaq.

Ölkə.Az xarici KİV-ə istinadla xəbər verir ki, bunu Norveçin baş naziri Conas Qar Stor deyib.

"Biz həm israillilər, həm də fələstinlilər üçün siyasi həlli təmin edən yeganə alternativi yəni iki dövlətin sülh və əmin-amanlıq şəraitində yan-yana yaşamasını davam etdirməliyik" - o bildirib.

Qeyd edək ki, indiyədək ümumilikdə 140 ölkə Fələstin dövlətini tanıyıb. Bunlara Birləşmiş Millətlər Təşkilatındakı 22 ölkənin Ərəb Qrupunun, İslam Əməkdaşlıq Təşkilatına daxil olan 57 dövlət və 120 üzvlü Qoşulmama Hərəkatının üzvləri daxildir.

İngiltərə və ABŞ Fələstin dövlətini rəsmən tanımayan ölkələr sırasındadır.

Xatırladaq ki, bundan əvvəl də İrlandiya və İspaniya Fələstin dövlətini tanıyacaqlarını açıqlamışdı.

Billurə