Avropanın 3 ölkəsi Fələstini dövlət kimi tanıdı - İsrail səfirlərini geri çağırdı

İspaniya, İrlandiya və Norveç Fələstini tanıdıqlarını bəyan ediblər. Bunun ardınca İsrailin xarici işlər naziri İsrael Katz bu üç ölkədəki səfirlərini məsləhətləşmələr üçün geri çağırıb.

Ölkə.Az  "ynet"ə istinadən  xəbər verir ki, digər tərəfdən İspaniya, Norveç və İrlandiyanın səfirləri “töhmət” verilməsi üçün üçün İsrail Xarici İşlər Nazirliyinə çağırılıb.

Qeyd edək ki, ilk olaraq Norveç Fələstini tanımaq barədə bəyanat verib. Norveçin baş naziri Jonas Gahr Store bəyan edib ki, Fələstini dövlət kimi tanınmadan Yaxın Şərqdə sülh ola bilməz. Onun ardınca İspaniyanın Baş naziri Pedro Sançes ölkəsinin Fələstini tanıyacağını açıqlayıb. Bu iki ölkə mayın 28-də Fələstin müstəqil dövlət kimi tanıyacaqlarını bəyan ediblər.
İrlaniyanın Baş naziri Saymon Harris də yaxın həftələrdə məsələ ilə bağlı qərar verəcəklərini  bildirib.

Mürtəza
Ölkə.Az