Lukaşenko Rəisinin ölümündə onları günahkar bilir

 "İran prezidenti İbrahim Rəsinin ölümünün səbəbkarı Amerikadır". 

Ölkə.Az xəbər verir ki, bunu Belarus lideri Aleksandr Lukaşenko  deyib.

Onun sözlərinə görə, Rəisinin uçduğu helikopterin 30 yaxud 50 il bundan əvvəl istehsal oluna bilər və bunun məsələyə heç bir aidiyyatı yoxdur.

"Ola bilsin həmin helikopter bu müddət ərzində bəlkə 3 dəfə uçub. Məsələ başqadır. Çünki ABŞ İrana sanksiyalar tətbiq etməsi nəticəsində helikopteri istehsal edən şirkət tərəfindən xidmət göstərilməyib. Xidmət göstərilsəydi bəlkə bu hadisə də baş verməzdi", - Lukaşenko qeyd edib.

 Lukaşenko əlavə edib ki, helikopterə kənardan hansısa təsir nəticəsində qəzaya uğrayıb ya yox deyə bilmərəm, bu başa məsələdir: "Amma Rəisinin ölümünün səbəbkarı Amerikadır. onların qadağaları və sanksiyaları bu acı faciəyə səbəb oldu".

Lukaşenko onu da əlavə edib ki, okeanın o tayındakılar özlərini inanclı hesab edirlər: "Mən mistik deyiləm. Amma onlar Allaha inanırlarsa, Allah onları layiqincə cəzalandıracaq.  Etdiklərinin cavabını artıqlaması ilə ödəyəcəklər. Əməllərinə görə cavab verməli olacaqlar".

Mürtəza
Ölkə.Az