Blinken Gürcüstanı hədələdi

ABŞ dövlət katibi Blinken açıqlamasında Gürcüstan parlamentinin qəbul etdiyi “xarici agent” qanunun bədəli ağır olacaq.

Ölkə.Az xəbər verir ki, ABŞ Tbilisidə həftələrlə davam edən kütləvi etirazlara səbəb olan mübahisəli “xarici agent” qanunu ilə bağlı Gürcüstanla ikitərəfli əməkdaşlığı nəzərdən keçirdiyini bildirib.

ABŞ dövlət katibi Antoni Blinken deyib: “Mən Gürcüstanda demokratiyanı sarsıdanlara, o cümlədən hakim “Gürcü Arzusu” Partiyasının təklif etdiyi “xarici təsir” qanunu ilə əlaqəli olanlara qarşı yeni viza məhdudiyyəti siyasətini elan edirəm”.

ABŞ Dövlət Departamentinin rəsmi saytında yer alan açıqlamaya görə, nazir Blinken Gürcüstanla ikitərəfli əlaqələrə dair qiymətləndirmələr edib.

"Bundan əlavə, mən ABŞ və Gürcüstan arasında ikitərəfli əməkdaşlığın hərtərəfli icmalına başlayıram", - Blinken deyib . O, ümid etdiyini bildirib ki, Gürcüstan liderləri qanuna yenidən baxacaq və xalqın demokratik və Avro-Atlantik məqsədlərinə doğru irəliləməsi üçün lazımi addımlar atacaq. 

Hakim "Gürcü Arzusu" Partiyası Gürcüstan rəsmiləri üçün vizaların məhdudlaşdırılması qərarına reaksiya verərək bəyan edib ki, hökumət nümayəndələrinə viza məhdudiyyətinin tətbiq edilməsi ehtimalı anti-Gürcüstan addımdır.

Bəyanatda Gürcüstana qarşı şantaj və təhdid siyasətinin aparıldığı və bunun iki suveren dövlət arasında tərəfdaşlıq və strateji əməkdaşlıq ruhuna zidd olduğu iddia edilib.

 Mürtəza
Ölkə.Az