ABŞ-la Çin arasında gərginlik artır

ABŞ-ın Müdafiə Nazirliyi Cənubi Çin dənizindəki hərbi manevrlərə aydınlıq gətirib.

Ölkə.az xəbər verir ki, ABŞ-ın Müdafiə Nazirliyi Pekinin narahatlığına səbəb olan hərbi təlimlərlə bağlı açıqlama yayıb. Açıqlamada ABŞ Hərbi Dəniz Qüvvələrinin Cənubi Çin Dənizindəki mövcudluğunun beynəlxalq qanunlar çərçivəsində olduğu və hərbi təlimlərin də qanuna zidd olmadığı vurğulanır. Manevrlər zamanı ABŞ hərbi kreyserinin Çinin nəzarətində olan Spratli süni arxipelaqının sahillərinə yaxınlaşması regionda vəziyyəti yenidən gərginləşdirib.

Xatırladırıq ki, ABŞ donanmasının manevrləri mübahisəli Spratli adalar arxipelaqının yaxınlığında keçirilir. Eyni zamanda Vyetnam, Tayvan, Malayziya, Filippinlər və Bruney bu arxipelaqın onlara məxsus olduğunu iddia edirlər.

Ölkə.az