Şahzadə narkotik üstündə tutuldu
Tarixdə ən böyük partiya
Ölkə.Az xəbər verir ki, Səudiyyə Ərəbistanının şahzadəsi Abdel Moşen ibn Valid Əbdüləziz Livanın paytaxtı Beyrut hava limanında digər 4 nəfərlə birlikdə qadağan edilmiş maddələri keçirərkən saxlanılıb.
O, sözügedən hava limanının tarixində narkotik maddələrin ən böyük partiyasını sərhəddən keçirməyə cəhd edib. Belə ki, çamadanlara yığılmış 2 ton "Kaptaqon" adlı psixotrop dərman vasitəsi və müəyyən qədər kokainin özəl təyyarəyə yüklənməsini gözləyirdi.
Hava-nəqliyyat vasitəsi Səudiyyə Ərəbistanına uçmalı idi.
Qeyd edək ki, "Kaptaqon" adlı psixotrop dərman vasitəsi psixiki aktivliyi artırır, zəifliyi aradan qaldırır və daha çox İŞİD terror təşkilatı üzvləri arasında geniş yayılıb.
Rəşid Mustafazadə
Ölkə.Az