Ölən atası ilə danışmaq üçün falçıya gedən bələdiyyə sədrinə şok - FOTO

Ölmüş atası ilə danışmaq istəyən bələdiyyə sədri korrupsiyada ittiham olunur.

Ölkə.Az "dailymail"ə istinadla xəbər verir ki, hadisə Fransanın cənubunda, Aralıq dənizi sahilində yerləşən Aqde qəsəbəsində yaşanıb.

Belə ki, qalmaqal şəhərdə kifayət qədər məşhur olan falçı Sofia Martinez və keçmiş məxfi xidmət zabiti və polis məmuru olan bələdiyyə sədri Gilles d'Ettore ətrafında cərəyan edib.

Martinez uzun illər ölülərlə danışa bildiyini deyərək məşhurlaşıb. Bələdiyyə sədri də falçıdan onu ölən atası ilə danışdırmasını istəyib.

Falçının "ruh çağırma seansları" zamanı səsi anidən dəyişir və bələdiyyə sədrinin ölən atsının səsinə bənzəyirdi.

İddialara görə, falçı son dörd ildə qeyri-adi ventriloqizm (ağzını tərpətmədən qarnından danışaraq səsləndirmə etmək) bacarığı ilə meri şəxsən və telefonla manipulyasiya edib.

Daha sonra "mələklər" də daxil olmaqla "ölülər"  dəfələrlə bələdiyyə sədrə zəng edərək onu falçıya dəstək olmağa çağırıb.

Bələdiyyə sədrinin bu çağırışlardan sonra falçı və onun ailəsi üçün Polineziya və Taylanda dəbdəbəli tətillər üçün dövlət vəsaiti hesabına pul ödədiyi bildirilir.
İddialara görə, sədrə zəng edən “mələklər" falçının ailəsindən bir neçə nəfəri bələdiyyəyə işə götürməyə, evini təmir etdirməyə də razı salıb.

Başçı ilə əlaqəsi olan yerli müəssisələr bələdiyyə sədri ilə gələcək müqavilələrini itirmək qorxusu ilə onlardan edilən xahişləri pulsuz yerinə yetiriblər.

Hazırda istintaq çərçivəsində falçı və bələdiyyə sədri həbsdədir.

Falçı bələdiyyə sədrini aldatmaqda, sədr isə dövlət resurslarını xərclədiyi üçün korrupsiyada ittiham olunur.

Billurə Yunus