İrəvan iflic vəziyyətdə: Gərginlik pik həddə 

Hazırda İrəvanın mərkəzinin demək olar ki, bütün küçələrində nəqliyyatın hərəkəti iflic olub. 

Ölkə.Az xəbər verir ki, mayın 30-da arxiyepiskop Baqrat Qalstanyanın rəhbərlik etdiyi hərəkat Respublika meydanında itaətsizlik aksiyasına başlayıb. Meydanda böyük polis qüvvələri cəmləşib. Aksiyaya paralel olaraq hökumətin iclası da keçirilir. Onlar hökumət evinə girişi bağlayıblar.

Aksiya zamanı polislə aksiyaçılar arasında vəziyyət gərginləşib.

Polisin vətəndaşları yolu tərk etməyə çağırmasından sonra itaətsizlik aksiyası keçirənlərlə polis arasında əlbəyaxa dava düşüb. Nəticədə bir neçə vətəndaş həbs edilib.

Polis aksiya iştirakçılarını çağırışlara əməl etməyə çağırıb. Hazırda vəziyyət gərgin olaraq qalır.

Mürtəza
Ölkə.Az