Makron dünya müharibəsinə təhrik edir

Kiyevin Rusiya ərazilərindəki hərbi obyektlərə zərbələr endirməsini dəstəkləyən Fransa prezidenti Emmanuel Makronun mövqeyi dünya müharibəsinə doğru daha bir addımdır. 

Ölkə.Az xəbər verir ki, bu barədə Fransa parlamentinin Milli Birlik fraksiyasının lideri Marin Le Pen "Franceinfo" radiostansiyasının efirində bildirib.

“Makron Fransanın müharibəyə getməsini istəyir. Bu elan da buna doğru atılan növbəti addımdır. Mən bunun əleyhinəyəm və hesab edirəm ki, bu, vətəndaşlarımızın təhlükəsizliyi üçün böyük risk yaradır”, - Le Pen  bildirib.

O əlavə edib ki, Paris Kiyevi yalnız müdafiə silahları ilə təmin etməlidir:

“ABŞ və Almaniya kimi mən də Ukraynanın Rusiya ərazisindəki hədəfləri vurmaq üçün Qərbin verdiyi silahlardan istifadə etməsinə qarşıyam, Fransanın cəbhə xəttində olacağı qlobal münaqişə riskini yarada biləcək hər şeyin əleyhinəyəm”.

Le Penin fikrincə, danışıqlara qayıtmaq lazımdır, Makron isə bunun əvəzində ictimaiyyəti Ukraynaya qoşun yeridilməsi elanına hazırlayır.

Mürtəza
Ölkə.Az