Aİ üzvü olan bu ölkə Fələstini tanımaq qərarı verdi

Sloveniya hökuməti Fələstini müstəqil dövlət kimi tanımaq qərarına gəlib.

"Ölkə.az" xəbər verir ki, bu barədə ölkənin Xarici İşlər Nazirliyi (XİN) “X” sosial şəbəkəsində XİN başçısı Tanya Fayona istinadən paylaşım edib.

“Bu gün Sloveniya hökuməti Fələstinin müstəqilliyini və suverenliyini tanımaq qərarına gəlib və onu Milli Məclisə təqdim edib”, - paylaşımda bildirilib.

T.Fayonun sözlərinə görə, Fələstinin tanınması iki ölkə və xalqın dinc yanaşı yaşamasının təmin edilməsinin yeganə yoludur.