Türkiyədə uşaq hotelə qumbara atdı: özü yaralandı

İstanbulun Küçükçekmece qəsəbəsində hotelə əl qumbarası atılıb.

Publika.az Türkiyə mətbuatına istinadən xəbər verir ki, hotelə əl qumbarasını yetkinlik yaşına çatmamış uşaq atıb. Onun hadisə yerinə oğurladığı motosikletlə gəldiyi müəyyən edilib.

Qumbara partlamayıb, lakin hotelin mühafizəçisi qumbarasını atan uşağa silahla atəş açıb, uşaq yaralanıb.

Küçükçekmece rayon Polis İdarəsi Terrorla Mübarizə Şöbəsinin əməkdaşları hadisə yerinə sövq edilib.

Yaralı uşaq hadisə yerinə gələn təcili tibbi yardım maşını ilə xəstəxanaya aparılıb.