İranda satanistlərə qarşı əməliyyat keçirildi, onlarla saxlanılan var

İranın qərbində yerləşən Xuzistan ostanının Dizful şəhərinin polis əməkdaşları satanistlərin toplantısında iştirak edən 35 nəfəri saxlayıb.

"Ölkə.az" xəbər verir ki, bunu şəhərin hüquq-mühafizə qüvvələrinin komandanı, polkovnik Ruholla Yarizadə açıqlayıb.

“Satanist qrupun görüşləri barədə məlumatı aldıqdan sonra polis əməkdaşları xəbərin həqiqiliyini yoxlayaraq görüşlərin yerini müəyyənləşdirə biliblər və məhkəmə orqanları ilə razılaşdırdıqdan sonra orada olanları – 31 kişini və 4 qadını saxlayıblar”, – agentlik Yarizadədən sitat gətirib.