ABŞ Suriya və İraqda quru əməliyyatlarına başlayır

Pentaqonun rəhbəri Eşton Karter ABŞ ordusunun İraq və Suriyada quru əməliyyatlarına başlayacağını bildirib.

Ölkə.az xəbər verir ki, Vaşinqtonun bu qərarı bütün dünya üçün gözlənilməz olub. Çünki əvvəllər ABŞ rəhbərliyi Suriya və İraqda hava əməliyyətları keçirəcəklərini və yerüstü əməliyyatlar aparmayacaqlarını bəyan etmişdi.

Pentaqon rəhbəri bu haqda ABŞ Senatının silahlı qüvvələr üzrə komitəsinin qarşısında çıxış edərkən deyib.

"Biz İŞİD-lə mübarizə aparan tərəfdaşlarımızın yardımlarından imtina etməyəcəyik. Hava zərbələri ilə yanaşı quru əməliyyatları da həyata keçirəcəyik", deyə Eşton Karter çıxışında bildirib.

Ölkə.az