ABŞ tarixində ilk: Baydenin oğlunu həbs gözləyir

Qanunsuz silah saxlamaqda ittiham olunan ABŞ prezidenti Co Baydenin 54 yaşlı oğlu Hanter Baydenin  günahı sübuta yetirilərsə, onu uzunmüddətli həbs cəzası gözləyir.

Ölkə.Az xəbər verir ki, iyunun 3-də Baydeninin oğluna qarşı ilk məhkəmə prosesi başlayıb. 54 yaşlı Hanter Bayden Uilminqton məhkəməsində qanunsuz silah saxlamaq üzrə üç maddə ilə ittiham olunur. Günahı sübuta yetirilərsə, onu 25 ilə qədər həbs gözləyir.

Prokurorlar 54 yaşlı Hanter Baydenin 2018-ci ildə tapança alarkən anketlərdə narkotik istifadəsi barədə yalan danışdığını iddia edirlər.

Bayden ittihamlar üzrə özünü təqsirli bilməyib.

Hunter Bayden məhkəmə iclasına həyat yoldaşı və ögey anası, ABŞ-nin birinci xanımı Cil Baydenin müşayiəti ilə çıxıb. Məhkəmənin bir-iki həftə davam edəcəyi gözlənilir.

Məhkəmə başlamazdan əvvəl verdiyi yazılı açıqlamada Co Bayden məhkəmə prosesi ilə bağlı şərh vermək istəmədiyini, lakin “oğluna sonsuz sevgisi” olduğunu, ona güvəndiyini və gücünə hörmət etdiyini bildirib.

Hanter Bayden 2018-ci ildə "Colt Cobra 38" tapançası alan zaman blankları doldurarkən narkotikdən istifadə etməmək barədə yalan danışmaqda ittiham olunur. Bundan əlavə, həmin ilin oktyabr ayında narkotik aludəçisi olduğu müddətdə 11 gün silah saxlayıb. Ümumilikdə, bu halda Hanter Baydeni 25 ilə qədər həbs və 750 min dollar cərimə gözləyir.

Qeyd edək ki, bu hadisə ABŞ tarixində vəzifədə olan bir prezidentin övladına qarşı ilk məhkəmə prosesidir.

Bundan əlavə Hanter Baydeni sentyabr ayında da vergidən yayınma ittihamı növbəti məhkəmə prosesi  gözləyir.

Mürtəza
Ölkə.Az