4 qadın İran prezidenti olmaq uğrunda mübarizəyə qoşulub - Onlar kimdir?

İranda prezident seçkilərində iştirak etmək üçün 4 qadın qeydiyyatdan keçib.

Ölkə.Az İRNA-ya istinadən xəbər verir ki, bunlar Zöhrə Elahian, Seyedeh Hamideh Zarabadi, Həcər Çenarani və Rafat Bayatdır. Onların hamısı İran parlamentinin keçmiş deputatlarıdır.

56 yaşlı Elahian ixtisasca həkimdir və hazırda İran Tibb Elmləri Akademiyasında işləyir. 

45 yaşlı Zərabadi islahatçı qanadın nümayəndəsidir. Namizədliyi qeydə alındıqdan sonra keçirdiyi mətbuat konfransında iranlıların nə vaxtsa qadın prezident seçəcəklərinə ümid etdiyini bildirib.

Çenarinin də 45 yaşı var və Milli Məclisin deputatı olub. Milli təhlükəsizlik və xarici siyasət komissiyasında işləyib. 
Bayatın 66 yaşı var, təhsili sosioloqdur. 2005 və 2009-cu illərdə prezident seçkilərində namizəd kimi qeydə alınsa da, Konstitusiyanın Keşikçiləri Şurası onun namizədliyini təsdiq etməyib. 

Ümumilikdə isə 28 iyunda keçiriləcək növbdənkənar prezident seçkilərində iştirak etmək üçün 80 nəfər qeydiyyatdan keçib. Lakin onların heç də hamısı seçkilərdə namizəd olmayacaq, çünki daha 7 gün ərzində namizədin prezidentliyə uyğun olub-olmadığını müəyyən etmək üçün onların işinə Konstitusiyanın Keşikçilər Şurası baxacaq. İştirakçıların yekun siyahısı iyunun 11-də açıqlanacaq.

Mürtəza
Ölkə.Az