Rusiyadan açıq hədə: “Bütün ölkəni 10-15 dəqiqəyə məhv edərik\"

Rusiyadan açıq hədə: “Bütün ölkəni 10-15 dəqiqəyə məhv edərik\" - VİDEO

Rusiya-Ukrayna müharibəsi fonunda Kiyevin NATO üzvü olan qonşusu Polşa ilə Rusiya arasında da gərginlik davam etməkdədir. Belə ki, Rusiya Polşanı Ukraynaya verdiyi dəstəyə görə daim təhdid edib. Rusiya Polşa arasında gərginlik isə getdikcə daha da kəskin xarakter almaqdadır. Polşada bazar günü keçiriləcək Avropa Parlamentinə seçkilər ərəfəsində hakimiyyət Moskvanın səsverməyə müdaxilə cəhdlərindən ehtiyat edir. Belə bir məqamda Rusiyanın dövlət televiziyasından Polşanın ünvanına səslənən təhdid isə hamını dəhşətə gətirib. Rusiyanın bu təhdidi Polşada çox ciddi narahatlığa səbəb olub.

Ölkə.az xəbər verir ki, “Rossiya 1” telekanalında istefada olan zabit və hərbi ekspert Konstantin Sivkov çıxışı zamanı Rusiyanın Polşanı nüvə silahı ilə yerlə-yeksan edəcəyi barədə açıq bəyanat verib.

Xarici ekspertlər Sivkovun bu bəyanatını qandondurucu açıqlama kimi dəyərləndiriblər.

Rusiyalı hərbi ekspert Konstantin Sivkov verilişdə soyuqqanlı şəkildə deyib: “Gəlin Polşaya baxaq. O, kiçik nüvə müharibəsi teatrına çevrilə biləcək ən real namizəddir.

Orada 20 böyük şəhər varmı? Mən belə düşünmürəm. Hər şəhərə iki nüvə raketi ayırsaq, bu, cəmi 30-40 raket təşkil edər. 10-15 dəqiqədən sonra həm Polşa dövləti, həm də Polşa xalqı məhv olar".

Qeyd edək ki, Rusiya daim öz nüvə gücünü Ukrayna müharibəsində təhdid və sövdələşmə obyektinə çevirməyə çalışır.

Russian expert (and retired Russian naval officer) Konstantin Sivkov on Russian state TV threatens with a nuclear strike on Poland and genocide of the Polish people. pic.twitter.com/MU1oXcwgBy
— Clash Report (@clashreport) June 3, 2024