Erməni deputat: Kilsə Ermənistana qarşı mübarizə aparır

İki böyük toplantı keçirib Erməni Apostol Kilsəsini Erməni İnqilabi Federasiyası ilə birləşdirib Erməni Apostol Federasiyası və ya Erməni İnqilabi Kilsəsi adlandırmaq olar. 

Ölkə.Az xəbər verir ki, bunu Ermənistanın hakim “Vətəndaş müqaviləsi” partiyasından olan deputat Arsen Torosyan deyib.

“Dünən parlamentdə "Daşnaksütun"dan olan deputatlar kilsəni qorumağa çalışırdılar. Artıq səhnənin özünü maraqlı hesab etmək olar. Çünki "Daşnaksütun" və Erməni Apostol Kilsəsi ənənəvi olaraq bir-birinə rəqib olublar, xüsusən də diaspor üzərində öz təsirlərini bərqərar etmək uğrunda savaşıblar. İndi isə hakimiyyət uğrunda mübarizədə yolları kəsişməyə başlayıb. Dünən həmkarlarım deyəndə ki, kilsə və katolikos şəxsən siyasi hərəkata rəhbərlik edir, "Daşnaksütun"dan olan deputatlar bunun belə olmadığını təkid etməyə başladılar, amma heç kim şübhə etmir ki, bu belədir. “Vətən naminə” hərəkatının lideri Baqrat Qalstanyan israr edir ki, bir çox qərarlar qəbul edərkən katolikos və onun digər keçmiş və ya indiki kilsə həmkarları ilə məsləhətləşmək lazımdır. Kilsə “müqəddəs” adlanan bu hərəkatı dəstəkləyən bəyanatlar verir. Müxtəlif kilsə yeparxiyaları Qalstanyanın hərəkətlərini dəstəkləyən bəyanatlar verirlər. Əgər kilsə bu hərəkata rəhbərlik etməsəydi, onun başladığı andan Qalstanyan öz sıralarından qovarlardı, amma biz bunun əksini görürük. Bu, kilsənin suverenliyə can atan Ermənistana qarşı mübarizəsindən başqa bir şey deyil”, - deputat qeyd edib.

Mürtəza
Ölkə.Az