İmtahanda bütün sualları səhv cavablandırdığı üçün mükafat aldı - VİDEO

Türkiyədə məktəbli imtahan zamanı bütün sualları səhv bildiyinə görə, ona qızıl hədiyyə edilib.

Ölkə.Az İHA-ya istinadla xəbər verir ki, gözlənilməz vəziyyət Şanlıurfanın Halfeti rayonunda yaşanıb.

Belə ki, Liseylərə Qəbul İmtahanı (LGS) öncəsi sınaq imtahanında verən məktəbli 90 sualın hamıını səhv cavablandırıb.

Məktəbli qızın hazırlaşdığı kursun səlahiyyətli şəxsləri buna görə qıza kiçik qızıl hədiyyə ediblər.

Həmin anlar sosial şəbəkələrdə kəskin tənqid edilib. Çoxsaylı tənqidlərdən sonra kurs yaranmış vəziyyətə aydınlıq gətirib.

Bildirilib ki, imtahandan əvvəl məktəblilərin 2 halda mükafatlandırılacağı ilə bağlı vəd verilib.

Qeyd olunub ki, kurs şagirdləri ya bütün suallara doğru, ya da yanlış cavab verəcəyi təqdirdə onlara qızıl hədiyyə ediləcək.

Məlum olub ki, 90 sualı səhv cavablandıran Elif Sude Şenel əslində kursun ən yaxşı oxuyan şagirdlərindəndir.

Kursun müdiri Muhammed Tahir Kurt bütün sualları yanlış cavablandırmaq ehtimalının çox aşağı olduğunu söyləyib:

"Bütün sualları doğru cavablayanlara hədiyyə veriləcək deyəndə şagirdlərimiz çəkindi. Biz də dedik ki, bütün suallara yanlış da cavab verə bilərsiniz. İkinci ehtimalı hesabladıq, rəqəm 6 trilyonda 1-ə bərabər idi. Yəni bu, mümkün olacaq bir şey deyildi. Bunu ancaq bütün sualları düz bilən biri edə bilərdi. Biz də buna görə şagirdimizə qızıl hədiyyə etdik və qürurluyuq. Yəni hər şeyi mütləq doğru yox, həm də yanlış etməyin də nə qədər çətin olduğunu göstərmək istədik. Lakin bu, çoxları tərəfindən səhv başa düşüldü", - deyə o söyləyib.

Billurə Yunus