Türkiyəli kosmonavt: "Azərbaycan bayrağını da aparacağam"
Türkiyənin ikinci kosmonavtı Tuva Cihangir Atasever kosmos səyahəti zamanı yanında Azərbaycan bayrağı da aparacaq.
Ölkə.Az xəbər verir ki, o bu barədə "Haber Global"a danışıb.
Kosmonavt şənbə günü 1,5 saat davam edəcək elmi missiya çərçivəsində 7 elmi təcrübə həyata keçirəcək.
Türkiyəli kosmonavt Türkiyə bayrağı ilə yanaşı, Azərbaycan bayrağı da aparacağını deyib.
"Yanımda təbii ki, Türkiyə bayrağı olacaq. Bir də anamın vətəni olan Azərbaycan bayrağı aparacağam.
Necə ki yer kürəsində Azərbaycan və Türkiyə bayraqları çiyin-çiyinədirsə, mənim kosmos uçuşumda da sinəmin üstündə yan-yana olacaqlar".
Billurə
