HƏMAS üç israillini girov öldürüb
HƏMAS İsrail Ordusunun Qəzza zolağının mərkəzində yerləşən Nuseyrat qaçqın düşərgəsində 4 israilli girovun azad edilməsi üçün keçirdiyi əməliyyat zamanı 3 israilli girovun öldüyünü iddia edib.
"Ölkə.az" xəbər verir ki, bu barədə HƏMAS-ın “Telegram” kanalında məlumat yerləşdirilib.
Qeyd edilib ki, İsrail Ordusu girovlardan bir neçəsini azad edib, lakin həmin düşərgədə biri ABŞ vətəndaşı olmaqla, 3 girovu öldürüb.
HƏMAS-ın yaydığı videoda öldürüldüyü iddia edilən girovların üzləri örtülmüş şəkildə meyitləri göstərilir.
Qeyd edək ki, iyunun 8-də İsrail Ordusu Nuseyrat bölgəsində xüsusi əməliyyatın keçirildiyini, nəticədə 2023-cü il oktyabrın 7-də girov götürülmüş 4 israillinin azad edildiyini açıqlayıb.
Qəzzadakı səhiyyə qurumu isə İsrail Ordusunun Nuseyrat qaçqın düşərgəsində 4 girovun azad edilməsi üçün keçirdiyi əməliyyat zamanı ən azı 274 fələstinlinin öldüyünü, 698 nəfərin yaralandığını açıqlayıb.
