\"Hizbullah\"dan İsrailə qisas hücumu: 100-dən çox raket atıldı

"Hizbullah" yüksəksəviyyəli komandirlərinin öldürülüməsinə qarşı qisas cavabı olaraq İsrailə çoxsaylı raketlər atıb.

Ölkə.Az "Times of Israel"ə istinadən xəbər verir ki, "Hizbullah" İsrailin şimalına 100-dən çox raket hücumu təşkil edib. 

İsrail tərəfi "Hizbullah"ın bu hücumunu 2023-cü ilin oktyabrın 7-dən sonra İsrailə qarşı ən genişmiqyaslı hücumu adlandırıb.

“Bu, "Hizbullah"ın müharibə zamanı həyata keçirdiyi ən böyük hücumlarından biridir. Tiberiya şəhəri hərbi əməliyyatlar zamanı ilk dəfə olaraq raket atəşi hədəfinə çevrilib”,- nəşr yazır.

Hələlik ölən və yaralananlar barədə məlumat yoxdur. 

“Times of Israel” qəzeti qeyd edib ki, sərhəd boyu ən azı 52 yaşayış məntəqəsində həyəcan siqnalı çalınıb.

Mürtəza
Ölkə.Az