ABŞ-nin Moskva qorxusu: seçkilərə müdaxilə edəcək, Tehran da qoşulur

Rusiyanın başçılığı ilə ABŞ-yə qarşı birləşən qüvvələr muzdlu kommersiya firmaları və generativ süni intellekt texnologiyalarından istifadə vasitəsilə noyabrda keçiriləcək prezident seçkilərinə təsir göstərməyə çalışırlar.

Ölkə.Az xəbər verir ki, bu barədə "Bloomberg" ABŞ kəşfiyyatına istinadən xəbər verir.

ABŞ Milli Kəşfiyyat İdarəsinin nümayəndələrinin "Bloomberg"ə verdiyi məlumata görə, qarşıdan gələn seçkilər üçün ən ciddi təhlükə Rusiyadır.

Onların fikrincə, Moskva çox güman ki, səsverməni daha qlobal məqsədlərə nail olmaq, Ukraynaya dəstəyi zəiflətmək, bütövlükdə ABŞ-yə olan inamı sarsıtmaq üçün fürsət kimi qiymətləndirir.

Kəşfiyyat rəsmiləri hesab edirlər ki, bunun üçün Moskva xüsusilə Amerika cəmiyyətindəki ziddiyyətlərdən istifadə edə bilər.

"Bloomberg" həmsöhbətlərinin fikrincə, İran da bu prosesdə iştirak etmək niyyətindədir, Çin isə hələlik daha ehtiyatlı mövqe tutur və seçkilərə müdaxilənin mümkün nəticələrinin nə olacağını dərk edir.

Mürtəza
Ölkə.Az